جب بھی دیکھو ۔ ۔ ۔

جب بھی دیکھو

سوچ میں ڈوبے رہتے ہو

کمرے میں بند

کتابوں کے انبار میں کھوئے رہتے ہو

کیا سوچتے ہو

کیا لکھتے ہو

اب ایسا کیا کہ جب بھی ملو

بس سنجیدہ ہی دِکھتے ہو

نہ بولتے ہو، نہ ہنستے ہو

کچھ روگ ہے کیا؟

کچھ کھوج ہے کیا؟

کچھ بولو، یارا، بات کرو

کچھ وقت نکالو

آبادی سے دور کہیں ویرانوں میں

کسی جنگل میں

سوکھے دریا کے پار چلیں

موٹر بائیک پر دور ہرن مینار چلیں

یا جہاں کہیں بھی تم چاہو

چلو اٹھو میرے یار، چلیں

سالک صدیقی